ازاى تعمل مبلغ كبير فى اقل وقت . مشروع ساخن جدا

بسم الله
مش هنطول وهندخل فى الموضوع علطول

اسم المشروع :
إزاى أعمل سلعة رخيصة وفى نفس الوقت تكون قيمة وذات قيمة وسعرها فى متناول مش الجميع الاطفال كمان

بس لازم هنا راس مال يشغلك شوية يعنى مثلا ممكن تبدا باى مبلغ لو بدأت بمبلغ كبير أكيد هتكسب كتير
(( خلى بالك المشروع ده لازم ينتهى فى نفس الوقت ))
ازاى يعنى

المشروع قيمته أن أنا لما أخلص السلعة بتاعتى أسوقها علطول وأبدأ أحسب نسبة مكسبى

طيب السلعة عبارة عن إيه ؟

عبارة عن ( معطرة سيارة ) بأشكال كتير وجديدة على سبيل المثال
شعارات أندية الدورى وخصوصا لو الأهلى والزمالك شوف انت بقى ..!!!
المعطرة تكلفتها تقريباً عن دراسة نظرية مش خبرة عملية 50 قرش مصرى
وسعر البيع هيكون مثلا 150 قرش يبقى انت كسبت كام ؟؟ وكام قطعة إتعملت
ناقص دلوقتى طريقة العمل :
وهى . فى حاجة إسمها لزق أبيض بيستخدمه مصممين الأزياء وبعض الناس بتقول عليه حشو
هنلاقيه عند بتوع خردوات بتوع الخيوط والأزرار .
هنجيب منه نوع يكون محمل وفى نفس الوقت ماسك شوية ولما تروح هناك هتشوف بعينك الدرجات من اللزق ده
طيب هنجيب قد ايه ؟
فى الاول لازم تعمل تجربة هتجيب على قد سمك المعطرة اللى انت هتشتريها من السوق بكام بحوالى 5 جنيه
شوف السمك بتاعها قد ايه واعمل زيها
هنجيب اللزق كل متر على التانى ونلصقه بالمكواه ( وخلى بالك اللصق ده وش وظهر الظهر مش بيلصق والوش هتلاقى عليه لامعة شوية )
اولا شوف المتر هيعمل معاك كام قطعة حسب الرسم بتاعك
وكده تقدر تحدد لو معاك كام متر او كام توب من اللصق تقدر تعرف العدد كام
___________________________________________
الطريقة التانية هتروح مطبعة كويسة وبرده ممكن تستخدم فيها اللصق ده او الراجل يطاع محترم ويعملك اى حاجة انت عايزها على ورق كرتون يشبه اللصق
متنساش تاخد معاك الرسم بتاعك اللى هتنفذه ( الاشكال اللى انت عايزها )
فى حاجة اسمها الكسارة فى المطبعة بعد الرسم على الورق او اللصق هتطلع الاشكال اللى انت عايزها
متنساش تروح تعمل نفس الكيس بتاع الأصل او شبيه ليه ( اللى انت جبتها من السوق )
لو انت من القاهرة فى مكان فى القاهرة أعتقد انه فى الموسكى بيبيع العطور بالجملة وكل الأصناف هناك
فل ياسمين ورد اى حاجة على حسب ما تختار

( على حسب الدراسة النظرية كل التكلفة حتى التعبئة داخل الأكياس تساوى 50 قرش )

الأهم والمهم فى المشروع ::
التسويق اهم حاجة فى المشروع ده بالذات ليه بقى
لانه مشروع صغير المفروض انى لو صرفت الف جنيه فى اسبوع
الأسبوع التانى يكون معاية 2000 جنيه
فحاول انك تسوقه صح على كل محلات قطع الغيار للسيارات والمكتبات ومحلات التنظيف والأدوات المنزلية

بكده انتهى المشروع نلتقى فى مشروع آخر
والسلام عليكم ورحمة الله وبركاته

» ازاى تكونى احلى عروسه