من غير تمرد !!

موضوع: من غير تمرد !! الثلاثاء يناير 10, 2012 8:39 pm

من غير تمرد
كل يوم بحلم بحبِك والساعات بتجرى بيا
ولما عينى تيجى فى عنيكى . بندهك بصى فى عنيا
ولما عينك تيجى عليا . بحس إنى فى كون غريب
ألقى إيدى تشاور عليكى . وأحس إنى منك قريب
صدقينى مهما كان . برده عمرى ما بين إيديكى
وكل دقة حب صافية . وكل فرحة شايلها ليكى

مش ح يجى اليوم ونعرف أى حزن أو أهـــــــات
مش ح نبكى . مش ح نرجع م الطريق . مش ح نعتب ع اللى فـــــات
مش ح تبقى حياتنا بمعنى الإنهيار
مش ح نقبل أى دمعة أو إنكسار
ولا نبكى ع السنين ولا أيامها الحزينة اللى سرقت قلوبنا
راح نبكى ع الحنين على أيامه الطويلة ولا أيام عذابنا
كل عمرى أيامه فرح ليكى وعشانك وم الساعات بخطف ثوانى
وأبقى دايما قدام عنيكى .. حتى لو ح أعشق جنانك
عمرى يوم ما ح أعشق تانى
شيلت ليكى التضحيات والحنين وكل شوقى حتى الغرام والأمانى
ولا عايزة تعرفى يعنى ايه معنى الأهات . ولا أد إيه شايلك من حنانى
كل الحنان يا أجمل عمر إبتدى من يوم ما شوفتك
ياللى قلبك قلب صافى مش حجر حسيت بإنى زمان عرفتك
مش ح أنسى يوم حبى ليكى
بس عرفينى هو حبى مدخلش قلبك
جربى : ما تهربيش أنا حبى ليكى عمرى وسنينه
وإعرفى : أنا قلبى ليكى وكمان حنينه