شهور الوحم الاولى

السلام عليكم ورحمه الله وبركات


اولا مبروك لكل حامل ويارب يولدوا بالسلامه ويرزق كل محرومه

هنا هيكون تجمع السيدات هنتكلم فى كل حاجه وهنستفسر عن كل حاجه وهنستفاد من بعض ومن تجاربنا

عايزه يكون بنا تعاون نفيد بعض فهنبدا النهارده عن شهور الوحم الاولى


الثلاث شهور الاولى من الحمل

ياريت كل واحده عندها خبره فى الموضوع دا تفيدنا وتحكيلنا عن تجربتها

انا عموما هبدا بحكايه زميله ليا

بدا معاها الوحم بدرى اووى فاعراضه
انها بدات تحس انها بتنهج كانها كانت فى مشوار وهى اصلا نايمه
وكمان بدات بشرتها تسمر
وكمان بتقول انها كانت بتاكل بشراهه جوزها كان بيبصلها بخوف (هههههههههه) خايف تاكله
وكمان بتقول انها كانت مضطربه نفسيا
بس وفضلت الاعراض دى لحد ماجابت لنا احلى بنوته شهنده ربنا يخليهالها



ياريت كل ام تحكيلنا تجربتها مع الوحم